”
“ကဲ သွားပြီနော် အမေတင်”
“အေး ကောင်းပြီ ”
မိလုံးလည်းအမေတင်အားနှုတ်ဆက်ကာ
ပြန်ထွက်သွားလေသည်။
အမေတင်ကအသက်ကြီးပြီဖြစ်သည်။
အမေတင်ကအပျိုကြီးမဟုတ်
အိမ်ထောင်ကျခဲ့ဖူးသည်၊အမေတင်ရဲ့
ခင်ပွန်းကဆုံးပါးသွားတာနှစ်၂၀ကျော်ပြီ
ဖြစ်သည်။
ခင်ပွန်းသည်သာဆုံးပါးသွားခဲ့သည်။
အမေတင်မှာသားသမီးမရခဲ့ပေ။
ဘယ်သူကချို့ ယွင်းချက်ရှိသလဲဆိုတာ
အမေတင်လည်းမသိခဲ့ပေ။
ထို့ကြောင့် အမေတင်ကတစ်ကိုယ်တည်းသမားဖြစ်ကာ
ကျန်နေခဲ့သည်။
အမေတင်ကအသက်သာကြီးသည်
အခုအချိန်ထိလုပ်နိုင်ကိုင်နိုင်သေးသည်။
အမေတင်ကသူများပေးစာကမ်းစာ
ကိုအငြိမ်ထိုင်းစားခဲ့ခြင်းမရှိပေ.
အဝတ်လျှော်အငှားလိုက်လေသည်။
တစ်နေ့ကို၂အိမ်၃အိမ်ခန့် လျှော်ပေးရလေသည်။
ရွာထဲကလူတချို့ က အမေတင်အား
သနားကြသဖြင့်အဝတ်လျှော်မခိုင်းရက်ကြပေ
သို့ပေမယ့် အမေတင်က အလုပ်လုပ်ကာ
သူ့ဝမ်းစာသူရှာချင်သည်ဆိုပြီး
အဝတ်လျှော်ငှားကြရန်ပြောလေသည်။
ထိုအခါ မေတ္တာရှိသူများက အမေတင်အား
အဝတ်လျှော်ခနှင့်အတူဆန်လေးဆီလေး
တွေပါပေးကမ်းတတ်ကြသည်။
အမေတင်ကအဝတ်လျှော်လျှင်
ပြီးစလွယ်ဘယ်တော့မှမလုပ်တတ်ပေ။
အလုပ်လုပ်တိုင်းစေတနာထားပြီး
သေချာလုပ်ကိုင်ပေးလေသည်။
ထို့ကြောင့် အမေတင်ရဲ့ စေတနာ
ရောင်ပြန်ဟပ်သည်ဟုပြောရမည်.
အမေတင်ကိုပေးကြကမ်းကြသည့်
သူများပြားလေသည်။
တစ်ရက်တွင်တော့…………
“ဒေါ်ကြီးတင် ဒေါ်ကြီးတင်”
“သြော် မမာမာကြည်ပါလား”
“ဒေါ်ကြီးတင် အဝတ်ထုပ်လာပေးတာ
ညနေအပြီးလိုချင်တယ် သေချာလျှော်ပေးနော်
ပြီးတော့ အဝတ်တွေကိုတုတ်ပုတ်နဲ့
တအားကြီးမပုတ်နဲ့ အဝတ်အစားတွေက
စျေးကြီးပေးဝယ်ထားရတဲ့ဟာတွေမလို့
ပိုက်ဆံကိုတော့ ညနေအဝတ်လာအပ်မှ
ပေးမယ်”
“အေးအေး အမေတင် သေချာလေး
လျှော်ဖွပ်ပေးလိုက်ပါ့မယ်
ညနေဆက်ဆက်လာပေးမယ်နော်”
“အင်း…”
မမာမာကြည်က အမေတင်အား
မတူသလိုမတန်သလိုအကြည့်ဖြင့်
ကြည့်ကာအိမ်ပြင်သို့ထွက်သွားလေသည်။
မမာမာကြည်ဆိုလျှင်မသိသူမရှိကြပေ
ရွာထဲတွင်ငွေတိုးချေးစားသူလည်းဖြစ်သည်။
ရွာထဲမှာတော့မမာမာကြည်နှင့်ကင်းသူ
သိပ်မရှိကြပေ။
မမာမာကြည်ထံမှငွေတိုးအားချေးထားကြသူ
အလွန်များလေသည်။
ငွေတိုးချေးစားသူပီပီ မမာမာကြည်က
အတိုးတောင်းကြမ်းသည်။
ဒီရက်ပေးရမည်ဆိုလျှင်ပေးမှကြိုက်သည်
အကယ်၍တစ်ရက်ကျော်လို့မပေးနိုင်လျှင်
အတိုးကတက်ပြီးသားဖြစ်သည်။
ထိုကဲ့သို့ မရှိဆင်းရဲသားများအပေါ်
အမြတ်ကြီးစားခေါင်းပုံဖြတ်မှုကြောင့်
မမာမာကြည်အားမုန်းတီးကြသည်။
သို့ပေမယ့် သူ့အားကင်းနိုင်ကြသူ
နည်းပါးကြလေသည်။
================
ညနေ၅နာရီခန့် အမေတင်တစ်ယောက်
အဝတ်ထုပ်အားခေါင်းပေါ်ရွက်ကာ
မမာမာကြည်အိမ်သို့ရောက်လာခဲ့သည်။
“မာမာကြည်ရေ အမေတင်
အဝတ်တွေလာအပ်တာ”
“အိမ်ထဲဝင်ခဲ့”
“အေးအေး လာပြီ”
ပျဉ်ထောင်နှစ်ထပ်အိမ်ကြီးထဲသို့
အမေတင်ဝင်လာခဲ့သည်။
အိမ်ထဲတွင်မမာမာကြည်က
ပိုက်ဆံများအားစစ်ဆေးကာစာရင်းတိုက်
နေလေသည်။
မမာမာကြည်၏ဘေးတွင်လည်း
ငွေတိုးလာဆပ်သူများလည်းရှိကြသည်။
“မမာမာကြည် အမေတင်
သေချာလေးလျှော်လာခဲ့တယ်
အဝတ်တွေစစ်ကြည့်ပါဦး”
ထို့နောက် မမာမာကြည်က
အဝတ်ထုပ်အားဖြည်ကာအဝတ်ခေါက်များအား
တစ်ထည်ပြီးတစ်ထည်စစ်ကြည့်သည်။
“ဟင်…အပြာရောင်အင်္ကျီလည်း
ပါမလာပါလား ဒေါ်ကြီးတင်”
“ဘယ်အပြာရောင်အင်္ကျီလဲမာမာကြည်ရဲ့
အမေတင် လျှော်တုန်းက အပြာရောင်
အင်္ကျီတစ်ထည်မှပါမလာခဲ့ဘူးကွယ့်”
“ဟာ…ကျွန်မသေချာထည့်ပေးလိုက်ပါတယ်တော်အခု
ဘယ်လိုလုပ်ပါမလာရတာလည်း
ဒေါ်ကြီးတင်ရဲ့ ဒုက္ခပါပဲ
အဲ့ဒီအင်္ကျီက ဘယ်လောက်တန်သလဲ
ဆိုတာဒေါ်ကြီးတင်မသိဘူးလား”
“မာမာကြည်ရယ် ညည်း ပြောတဲ့ အင်္ကျီအပြာရောင်ကတကယ်ပါမလာတာပါကွယ်
အမေတင်မလိမ်ပါဘူး”
“ဒေါ်ကြီးတင်ကလည်း မဟုတ်ပဲနဲ့တော့
မမာမာကြည်ကပြောပါ့မလား”
“အေးလေ လူကြီးဖြစ်ပြီးတော့
ဗြောင်လိမ်နေတယ်”
မမာမာကြည်ထံသို့ ငွေတိုးလာဆပ်ကြသူ၂ယောက်ကမျက်နှာလို
အားရမမာမာကြည်ဘက်မှလိုက်ကာ
ပြောပေးကြလေသည်။
(မှတ်ချက်.အပြင်မှာလည်းဒီလိုလူတွေ
မြင်ခဲ့ဖူးပါသည်)
“ကဲ ဘဟ်လိုလုပ်မလဲ ဒေါ်ကြီးတင်
ကျွန်မအင်္ကျီတန်ဖိုးကို ပြန်လျော်မလား”
“အမေတင် ပြောပါရစေကွယ်
ညည်းလာပေးကတည်းက သေသေချာချာ
စစ်ကြည့်ပြီးမှလျှော်ထားတာပါ
အားလုံးပေါင်း၁၂ထည်တည်းပါ
အိမ်အပြင်ထွက်လှန်းရင် လေလွင့်ပြီး
ပျောက်မှာစိုးလို့ အိမ်ဝိုင်းထဲမှာပဲသေချာ
လှန်းခဲ့တာပါ ပျောက်စရာဘာအကြောင်း
မှမရှိပါဘူးကွယ်”
“အို…မလိုချင်ဘူး အဘွားကြီး
ဒီမှာကျွန်မအင်္ကျီကိုခိုးပြီးရောင်းစားမလို့
မဟုတ်လား”
“မဟုတ်တာတွေမပြောပါနဲ့ မာမာကြည်ရယ်
အမေတင်ဘဝမှာဘယ်သူ့ပစ္စည်းကိုမှ
အပ်တိုတစ်ချောင်းတောင်မခိုးခဲ့ဖူးပါဘူးကွယ်
အမေတင်ကိုယ်စောင့်နတ်အသိဆုံးပါ”
“ကျွန်မကလည်းမဟုတ်ရင် မပြောဘူး
အခုဟာကကျွန်မပစ္စည်းပျောက်လို့
ပြောနေရတာ ကျွန်မအင်္ကျီကိုပြန်မရမှာချင်း
အတူတူ ရှင့်ကိုလည်း အဝတ်လျှော်ခ
မပေးနိုင်ဘူး ဒါပဲ”
“ရပါတယ် အမေတင်ကို
အဝတ်လျှော်ခမပေးချင်လည်းနေပါ
ဒါပေမယ့် အမေတင်ရဲ့ သိက္ဓာကျအောင်
တော့မပြောပါနဲ့ကွယ်
အမေတင်ငါးပါးသီလလုံတာ
ဘုရားအသိဆုံးနတ်တွေအသိဆုံးပါ”
“ကျွန်မကလည်း မှန်တာလုပ်ထားတဲ့သူ
မလို့ နတ်တွေ အသိဆုံး အကယ်၍
ရှင့်ကိုမဟုတ်ပဲစွတ်စွဲပြောခဲ့ရင်
အသေဆိုးနဲ့ကိုသေပါစေတော်
သွား အိမ်ထဲကအခုထွက်သွား
သူခိုးမျကီး”
“အမေတင် မသွားခင်တစ်ခုပဲ
ပြောခဲ့မယ် ဝဋ်ဆိုတာ မနေပါဘူး
မာမာကြည်ရယ်”
“အောင်မယ် အောင်မယ် သူခိုးက
လူပြန်ဟစ်လို့ ဟင်း ဟင်း
ငါ့ဒေါသကိုလာဆွဲနေတယ်”
မမာမာကြည်လည်းအိမ်ကြီးထဲတွင်
ဒေါ်သဖြစ်ကာကျန်နေခဲ့သည်။
အမေတင်ကတော့အေးအေးဆေးဆေးပင်
ပြန်သွားလေသည်။
================
အမေတင်ပြန်သွားပြီး မမာမာကြည်လည်း
ငွေသိမ်းရန်အတွက်အိပ်ခန်းထဲဝင်လာခဲ့
သည်။
အံဆွဲအားဖွင့်ကာငွေများအား
သိမ်းဆည်းလိုက်သည်။
ထို့နောက် ကုတင်အနီးသို့ဖြတ်လျှောက်မိချိန်
“ဟင်…”
မမာမာကြည်အံ့သြသွားရလေသည်။
အမေတင်အားခိုးထားပါသည်ဟု
စွတ်စွဲထားသည့်အင်္ကျီအပြာရောင်လေးက
ကုတင်အောက်တွင်ကျနေလေသည်။
“အင်း…ငါအဝတ်ပေတွေထည့်ရင်း
ကုတင်အောက်ပြုတ်ကျနေခဲ့တာ
ဖြစ်မယ် ဒါဆို ဟိုအဘွားကြီး
မခိုးဘူးဆိုတာအမှန်ပဲပေါ့
ကဲပါလေ ဘာပဲဖြစ်ဖြစ် ငါအဲ့ဒီအဘွားကြီးကို
အဝတ်လျှော်ခမပေးလိုက်ရတာ
အမြတ်ပဲ ဟီး ဟီး ”
မမာမာကြည်၏မကောင်းသည့်
စိတ်ဓာတ်ကပေါ်လွှင်နေတော့သည်။
================
“လူနတ်ဗြဟ္မာ သတ္တဝါ အားလုံး
ကြားကြားသမျှ အမျှ အမျှ အမျှ
ယူတော်မူကြပါကုန်လော့
သာဓု သာဓု သာဓု ”
“နောင် ဝေ ဝေ ”
“၇ရက်သားသမီးအပေါင်း သူတော်ကောင်းတို့
ကျန်းမာကြပါစေ ချမ်းသာကြပါစေ
အန္တရာယ်ကင်းလို့ဘေးကင်းကြပါစေ”
အမေတင်၏ဘုရားဝတ်ပြုသံ
အမျှအတန်းပေးသံကပတ်ဝန်းကျင်သို့
အေးချမ်းစွာပျံ့နှံ့လာခဲ့ပေသည်။
==============
အချိန်ကားည၁နာရီခန့်
တစ်ရွာလုံးတိတ်ဆိတ်မှောင်မည်း၍နေ
ပေသည်။
“ရှပ် ရှပ် ရှပ်”
အရိပ်မည်းတစ်ခုက အမှောင်ရိပ်ခိုကာ
ဟိုကြည့်သည်ကြည့်လုပ်နေလေသည်။
ထို့နောက် လူရိပ်မည်းကြီးက
ခြံဝန်းတံခါးအားကျော်တက်ကာ
အိမ်ထဲဆင်းသွားလေသည်။
“ဘုတ်”
လူရိပ်မည်းကြီးက အိမ်ရှေ့တံခါးအား
ဆွဲဖွင့်ကြည့်လေသည်။
ဆွဲဖွင့်၍မရသဖြင့် အိမ်၏နောက်ဘက်သို့
ရောက်လာခဲ့ပြီး အိမ်နောက်ဖေး
တံခါးအားဖွင့်ကြည့်ရာ……
“က်ြီ …”
အိမ်နောက်ဖေးတံခါးက စေ့ရုံသာစေ့ထား
သဖြင့်ထိုလူရိပ်ကအိမ်ထဲသို့ဝင်လာခဲ့သည်။
“ဂလုန်း”
“ခွမ်း”
“ဟာ”
ထိုလူရိပ်ကအမှောင်ထဲမမြင်မကန်း
သွားလိုက်သဖြင့် ပစ္စည်းများအား
ဝင်တိုက်မိလိုက်သဖြင့်ညသံကြောင့်
ဆူညံမှုကအတိုင်းသား
ထွက်ပေါ်လာလေသည်။
ထွက်ပေါ်လာသည့်အသံကြောင့်
မမာမာကြည်တစ်ယောက်နိုးလာကာ
အခန်းအပြင်သို့ထွက်လာခဲ့သည်။
“ဟင်…ဘယ်သူလဲ ဘယ်သူလဲလို့
မေးနေတယ်လေ”
“အသံမထွက်နဲ့ သေသွားမယ်
လက်ထဲမှာကိုင်ထားတဲ့ဓါးက
နေရာမရွေးဘူးသိလား”
သူခိုးကမမာမာကြည်အိမ်ထဲဝင်ပြီး
မမာမာကြည်၏လည်ပင်းအား
ဓါးကောက်ကာအနုကြမ်းစီးနေခြင်း
ဖြစ်သည်။
“မ မလုပ်ပါနဲ့ရှင် ရှိကြီးခိုးပါတယ်”
“နင်ငွေတိုးပေးပြီးရထားတဲ့
ငွေတွေဘယ်မလဲ ပြောစမ်း
မပြောရင်လက်ထဲကဓါးကနင့်လည်ပင်းထဲ
အရောက်ပဲ ကြားလား”
“မ မရှိပါဘူးရှင် ငွေတွေက အပြင်မှာ
ချေးထားလို့ မရှိပါဘူးရှင်”
“ငါ့ကိုလာမလိမ်နဲ့ ငါအားလုံး
သိထားပြီးသား အချိန်ကုန်တယ်
ငွေတွေဘယ်မှာလဲ”
“သူခိုး သူခိုး လာ”
“ဟာ…ဒီမိန်းမ တော့ ”
“ကဲကြာ”
“စွပ် စွပ်”
“အု အဟွတ် ဟွတ်”
“ဘုန်း”
မမာမာကြည်၏အော်သံပင်မဆုံးလိုက်
သူခိုးကမမာမာကြည်၏လည်ပင်းအား
ဓါးဖြင့်၂ချက်ထိုးလိုက်သဖြင့်
သွေးများပန်းထွက်ပြီးမမာမာကြည်လည်း
ကြမ်းပြင်ပေါ်လဲကျသွားတော့သည်။
ထို့နောက်သူခိုးက မမာမာကြည်၏
အခန်းထဲဝင်ပြီးလှန်လောရှာဖွေတော့သည်။
ဆင်းရဲသားများအပေါ်အမြတ်ကြီးစားသည့်
မမာမာကြည်တစ်ယောက်တော့
သူခိုးကြောင့် ညတွင်းချင်းပင် လူ့လောကမှ
ထွက်ခွာသွားရလေသည်။
===============
“ဘာ”
“ဟောတော့်”
“ဘယ်လိုဖြစ်ရတာတုန်း”
“ဟုတ်တယ် မနေ့ညကအသတ်ခံလိုက်
ရတာတဲ့ တစ်အိမ်လုံးလည်းမွှေနှောက်သွားတာမြင်လို့
တောင်မကောင်းဘူး”
“ဒါဆို ပိုက်ဆံတွေရွှေတွေအကုန်ပါသွား
တာပေါ့”
“အေးပေါ့ဟ အားလုံးအကုန်ပါ
သွားပေါရောလား”
“ကျွတ် ကျွတ် ကျွတ် သူများအပေါ်
မတရားအမြတ်ကြီးစားတဲ့သူ
အခုတော့ ဘာမှတောင်သယ်မသွား
နိုင်ပါလားနော်”
မနက်စောစေညအမေတင်တံမြက်စည်း
လှည်းရင်းနဲ့ အိမ်နီးချင်းများပြောနေကြသည့်
စကားသံများကြောင့် မနေ့ညက
ဘာဖြစ်သလဲဟု သိချင်စိတ်ကြောင့်
အမေတင်သူတို့အနားသို့ရောက်သွားကာ……
“ဟဲ့ ဘာဖြစ်လို့လဲ တိုးတိုးပြောနေကြလို့
ဘာများတုန်းကွယ့်”
“အမေတင်မသိဘူးလား”
“ဘာလဲ ငါမသိပါဘူး”
“ငွေတိုးပေးစားတဲ့ မာမာကြည်လေ
မနေ့ ညက သူ့အိမ်သူခိုးဝင်ပြီး
ရှိသမျှပစ္စည်းအကုန်ယူပြီး
သူ့ကိုပါသတ်သွားပါရောလား”
“အလိုလေး ဘုရား ဘုရား
ကံတွေများကြောက်ဖို့ကောင်းလိုက်တာ
မနေ့ကတောင် အမေတင်နဲ့ စကားများ
ခဲ့ကြပါကောလား”
“ဟင် အမေတင်လို လူမျိုးကိုတောင်
သူကရန်တုပြီးဖြစ်သေးတာလား”
“ဟုတ်ပါရဲ့ အမေတင်ရယ်
ဘယ်လိုဖြစ်တာလဲ ပြောပါဦး”
“အင်း…ဖြစ်ပုံကဒီလိုကွယ့်”
အမေတင်ကသူမနေ့က မမာမာကြည်နှင့်
ဖြစ်ခဲ့သည့်ပြဿနာအားအစအဆုံး
ရှင်းပြလိုက်တော့သည်။
“ဒါဆို မာမာကြည် အမေတင်အပေါ်
မတရားလုပ္တဲ့ ဒဏ္ကို ညမကူးပဲ
ခံလိုက်ရတာပေါ့နော်”
“ဟုတ်မှာပေါ့ သူကျိန်ခဲ့သလို
သူကျိန်စာသူမိသွားတာဖြစ်မှာပေါ့အေ”
“အမေတင်ကတော့ ဘယ်သူ့ကိုမှ
ထိခိုက်အောင်မလုပ်ခဲ့မပြောခဲ့တာ
အမှန်ပါ အခုမာမာကြည်ဖြစ်တဲ့
ကိစ္စကလည်း သူ့နှုတ်ဝစီကြောင့်
ဖြစ်ရတယ်လို့ အမေတင်မှတ်ယူ
ထားပါတယ်ကွယ်
ကဲ ကဲ အမေတင်သွားဦးမယ်ကွယ်”
“ဟုတ်ကဲ့ အမေတင်”
တရွေ့ရွေ့နှင့် ထွက်သွားသည့်အမေတင်အား
ိုကြည့်ကာအိမ်နီးနားချင်းများ
ကျန်နေခဲ့လေသည်။
သူတစ်ပါးအပေါ်မဟုတ်မမှန်
စွပ်စွဲပြောဆိုပြီး
ကျိန်ဆိုခဲ့သည့်မမာမာကြည်လည်းသူခိုးဓားပြ၏
သတ်ဖြတ်ခြင်းကိုခံခဲ့ရလေသည်။
ဘယ်သူတွေဘယ်လိုမေတ္တာပျက်ပျက်
အမေတင်ကတော့ ဘုရားကန်တော့နေမြဲပင်ဖြစ်သည်။
ပြီးပါပြီ
စာဖတ်သူများအားလုံးရွှင်လန်းကြပါစေ
ဇာတ်လမ်းလေးဖတ်ပြီးပါက လက်မလေး
များနှိပ်ပြီးအားပေးခဲ့ကြပါနော်
စာဖတ်သူ၏Like&Shareတစ်ချက်ဟာ
စာရေးသူအတွက်ခွန်အားပါ…