ပြန်ပေးလိုက်ပါလားလို့ ပေါ့…
ဒါပေမဲ့…
သူ့ရဲ့ သားသမီးတွေက လက်မခံကြဘူးတဲ့။
ဒါ မဖြစ်နိုင်ပါဘူး ဆိုပြီး
အမှုမဲ့ အမှတ်မဲ့ပဲ နေနေကြတယ်။
ဒုတိယအကြိမ် ဝင်ပူးပြီး ပြောပြန်တယ်။
သုံးလေးရက် ကြာသောအခါ…
ရွာသူတစ်ယောက်ကို ထပ်ပြီး ပူးပြန်တယ်။
သူ့သားမီးတွေနဲ့ တွေ့ချင်ကြောင်း ပြောတဲ့အတွက်
သူ့သားသမီးတွေကို ခေါ်ပေးလိုက်တယ်။
သူ့သားသမီးတွေ ရောက်လာတဲ့အခါ…
ငိုပြီးတော့ ပြောရှာပါတယ်။
သားတို့ သမီးတို့ရေ…
အမေ့ကို ကယ်ပါကွယ်။
အမေ…ပြောလေ
အမေ ဘယ်လို ဖြစ်နေလို့လဲ-?
ဘာဖြစ်ရမှာလဲ ကွယ်။အခု အမေ့မှာ
မြေကြီးကို ဦးခေါင်းပေါ် ရွက်ထားရတယ်
ကွဲ့။ နေ့ရော ညရော ရွက်ထားရတာ။
ပင်ပန်းလိုက်တာကွယ်။
ဘာဖြစ်လို့လဲ အမေ-?
သားတို့ သမီးတို့…
အမေ့စကား နားမထောင်လို့ပေါ့။
အမေ ယူထားတဲ့ လမ်းမြေကို
ပြန်ပေးကြပါနော်…
ပြန်မပေးရင်…ဒီမြေကြီးတွေကို
ဦးခေါင်းပေါ် ရွက်ထားရမှာလေ။
ဒါကြောင့် လမ်းမြေကို ပြန်ပေးလိုက်ကြနော်…
စိတ်ချပါ အမေ…
လမ်းမြေမှန်သမျှ အကုန်လုံး
ပြန်ပေးလိုက်မယ်နော်။
အေး အေး ဟုတ်ပြီ။
အမေ ယူထားတဲ့ လမ်းမြေက
၂- တောင် (၃- ပေ) လောက်ပဲ
ရှိတာပါ။ဘာမှ အဖိုး မတန်ပါဘူး။
အခုတော့ ယူတာနဲ့ မကာမိဘူး။
ပင်ပန်းလိုက်တာကွယ်။
ဒါကြောင့်…၃- တောင်လောက်
ပြန်ပေးလိုက်ကြနော်။
စိတ်ချပါ အမေ…
အမေ့ ဆန္ဒအတိုင်း ဖြစ်အောင် လုပ်ပါ့မယ်။
ဟုတ်ပြီနော်…
အမေယူထားတဲ့ လမ်းမြေ ပြန်ပေးမှ
မြေကြီးတွေကို ဦးခေါင်းပေါ်ကနေ
အောက်ချလို့ရမှာကွဲ့။
အမေ့ကို သနားကြပါနော် လို့ ပြောပြီး
ထွက်သွားသတဲ့။
သားသမီးတွေကလည်း အခုလို ကြားလိုက်ရတော့
သူတို့အမေကို အရမ်းပဲ သနားသွားကြတယ်။
ဒါနဲ့ ယူထားတဲ့ လမ်းမြေတွေကို
ပြန်ပေးတဲ့အပြင်
သူတို့ပိုင်တဲ့ ယာမြေထဲမှ မြေကိုတောင်
လမ်းအတွက်လှူလိုက်ကြတယ်တဲ့။
အိမ်မှာလည်း ဘုန်းကြီး ၅- ပါး ပင့်ပြီး
ဆွမ်းကပ်သင်္ကန်းလှူပြီးတော့
အမျှပေးဝေလိုက်ကြတယ်။
တစ်ပတ်လောက် ကြာတဲ့အခါ…
သမီးဖြစ်သူကို အိပ်မက်ပေးပါတယ် တဲ့။
သမီးရေ…
အမေလေ အခု စိတ်သက်သာရာ ရသွားပါပြီ။
ဒီထက္သာတဲ့ ဘုံဌာနကို
မကြာခင် သွားရတော့မယ်လေ။
လမ်းမြေယူမိလို့ အခုလို ဒုက္ခရောက်ရတာ။
ဒါကြောင့် လမ်းမြေကို တစ်လက်မမှ မယူနဲ့နော်…
လမ်းမြေကျယ်သွားအောင်
ကိုယ့်မြေထဲကနေ လှူဖြစ်အောင်သာ
လှူကြ သားတို့ သမီးတို့ရေ လို့ ပြောပြီး
အိပ်မက်ပေးပါတယ်။
အဲဒီနောက်…သမီးဖြစ်သူမှာ
အိပ်ရာက လန့်နိုးသွားပါတယ်။
ဒီတော့မှ သူ့အမေ ပေးတဲ့ အိပ်မက်ပဲ
ဆိုတာကိုသိသွားတယ်။
ဒီအကြောင်းကို ကျန်တဲ့
မောင်နှမတွေကိုလည်း
ပြောပြလိုက်တယ်။
အဲဒီကျတော့မှ သားသမီးတွေ အားလုံး
ငါတို့အမေ လွတ်တော့မှာပဲ ဆိုပြီး
ဝမ်းသာအားရ ဖြစ်သွားပါတော့တယ်။
ကဲ-ဒီတော့…
သူတော်ကောင်းတို့လည်း အကယ်၍
လမ်းမြေယူထားပါက ပြန်လှူကြရမယ်။
လမ်းမြေကျဉ်းနေပါက
ကိုယ်ပိုင်မြေလေး နည်းနည်းလောက်
လှူကြမယ်ဆိုရင်
မြန်မာနိုင်ငံသားများဟာ နိုင်ငံကြီးသား
ပီသပါပေတယ်လို့
စကြ်ာဝဠာတိုက်တစ်သောင်းမှ
နတ်ဗြဟ္မာအပေါင်းတို့က
ဂုဏ်ပြုချီးကျူးကြမှာ ဖြစ်ပါကြောင်း
တင်ပြလိုက်ရပါတယ်။
မူရင်း သီတဂူ အရှင်ဒေဝိန္ဒာဘိဝံသ